PS5 Slim 港版、日版分別

PS5 Slim都出咗一段時間，想買 Playstation 5 slim 但行貨又未有現貨，可以點算好？唔少人喺呢個時候都會考慮買水貨，但實際上又有啲咩差異？今日就同大家講解一啲比較主要嘅差別，等大家可以做個更好嘅決定！

1. 保養
   買返港版行貨最主要嘅好處，當然就係有保養啦。萬一咁唔好彩壞咗，都可以拎返去原廠維修。而買日版水貨就買就無保養了，壞咗就要俾錢整。

2. 價錢
   水貨嘅價錢多數都會平少少，當然都要視乎供應狀況。缺貨嘅話，水貨分分鐘仲貴過行貨。而日版PS5 Slim現時喺本店嘅售價係$3,495（光碟版），平過日本上市價少少。而港版嘅售價今日都發佈咗，$3,780（光碟版）。

3. 插頭
   日版嘅插頭會係兩腳，不過用轉插就可以解決到，所以問題不大。

4. 應用程式會支援
   有啲具有區域限制嘅遊戲或者應用程式會支援唔到，需要事前了解吓，不過涉及嘅程式應該唔多，影響不大。

總括嚟講，其實最主要嘅都係保養同價錢之間嘅考量，當然貨源供應都係啦。不過老實講句，唔計人為損壞因素（人為損壞，行貨一般都唔包整），啲電子產品有幾可會用用吓一年內壞吖。做決定之前，最緊要衡量返唔同選擇嘅利弊，揀返個啱自己嘅，最緊要係「有得揀」吖嘛！好喇，港版就仲未有現貨，想提早整返部PS5 Slim返屋企過聖誕嘅你，不妨考慮下現貨日版啦！提提你，Etopia仲有賣最新嘅Playstation Portal同Pulse Explore Earbuds呢~