PS5 Slim 唔只瘦咗咁簡單？最新PS5 Slim極速開箱！

PS5 Slim 喺11月份喺美國率先推出，之後先會陸續喺其他地區發售，當然有Etopia大家唔洗去美國都可以飲到頭啖湯啦！

今次呢部 PS5 Slim 嘅體積比原先 PS5 縮水咗超過三成，光碟版嘅重量都輕咗18%、數位版更輕咗 24%！外觀方面仲保持住有科技感嘅曲線設計，不過側邊板分開上下兩半並用上不同質地，上面一半係亮面拋光，下面一半就係磨砂風格。硬件配置大部份都冇咩改變，只係內置嘅 SSD 容量由 825GB 增加到 1TB。

光碟版嘅 Ultra Blu-ray 光碟機係可以拆卸式設計。咁就係話如果一開始買咗數碼版，之後都可以另外買個光碟機（官方價：79.99 美元，約 HK$625）裝上去。

至於底座，雖然會繼續附送橫向放置架，但如果你想用垂直底座（換成銀色圓框），就要額外買（29.99美元，約 HK$236）。Sony 講而家嘅型號會繼續賣直到完售，之後 Slim 版就會成為唯一嘅 PS5 型號。

https://www.playstation.com/en-hk/ps5/